Інвестыцыйныя праекты

ААТ «Белрэсурсы» — кіруючая кампанія холдынгу «Белрэсурсы» — зацікаўлена ў прыцягненні профільнага інвестара для рэалізацыі інвестыцыйнага праекта «Рэканструкцыя вытворчасці мыйных сродкаў» у даччынай кампаніі ААТ «Бархім» у г. Баранавічы.

На дадзены момант ААТ «Бархім» выпускае тавары бытавой хіміі і сінтэтычных мыйных сродкаў. У 2020–2024 гадах таварыствам плануецца рэалізацыя праекта «Рэканструкцыя вытворчасці мыйных сродкаў», які прадугледжвае будаўніцтва новага вытворчага корпуса і размяшчэнне ў ім мадэрнізаванай вытворчасці тэхнічных парашковых, вадкіх мыйных сродкаў, а таксама пашыранага асартыменту новай прадукцыі.

Мы таксама гатовыя да супрацоўніцтва ў частцы арганізацыі кантрактнай або ліцэнзійнай вытворчасці новых відаў прадукцыі з выкарыстаннем інгрэдыентаў і рэцэптур партнёраў.

Нас цікавіць вытворчасць:

• тэхнічных мыйных сродкаў для выкарыстання ў харчовай прамысловасці
• мыйна-дэзінфікуючых сродкаў
• аўтамабільнай хіміі і іншай спецыялізаванай прадукцыі.

Арганізацыя вытворчасці пазначанай прадукцыі на тэрыторыі Рэспублікі Беларусь у супрацоўніцтве з ААТ «Бархім» дасць магчымасць інвестару (партнёру) выйсці на новы рынак з дапамогай беларускага вытворцы, атрымаць канкурэнтныя перавагі і прэферэнцыі, устаноўленыя для юрыдычных асоб — рэзідэнтаў Свабоднай эканамічнай зоны «Брэст».

Мы гатовы працаваць і зарабляць разам з нашымі партнёрамі.

Больш падрабязную інфармацыю вы можаце атрымаць па тэлефонах:
Дырэктар ААТ «Бархім»
Касцюкевіч Наталля Мікалаеўна
+375 163 64 19 12

Прыёмная ААТ «Бархім»
+375 163 64 19 27