Калектыў ААТ «Бархім» прыняў удзел у дабрачыннай акцыі «Збяром партфель разам».

Штогадовая дабрачынная акцыя “Збяром партфель разам” аб’ядноўвае сотні калектываў і тысячы неабыякавых людзей. Асноўная мэта акцыі – аказанне дапамогі ў падрыхтоўцы рабят да школы. Падтрымка аказваецца дзецям і сем’ям, якія маюць у гэтым патрэбу.

Супрацоўнікі ААТ “Бархім” падтрымалі гэтую ініцыятыву, прадэманстраваўшы гатоўнасць удзельнічаць у добрых справах. Сумеснымі намаганнямі былі набыты школьныя прылады, такія як сшыткі, ручкі, фламастары і іншае, для таго каб забяспечыць дзяцей неабходным для паспяховага пачатку навучальнага года.